Մեծ Բրիտանիայում 2016-ին ավանդական թղթե ֆունտերը կփոխարինվեն թափանցիկ պատկերներով պլաստիկե դրամներով: Այս մասին հաղորդում է The Guardian-ը:
Անգլիայի բանկը նշում է, որ լվացվող պոլիմերից պատրաստված դրամական միավորները 6 անգամ ավելի երկար կծառայեն, քան թղթե ֆունտերը: Նրանց չափը 15 տոկոսով փոքր կլինի: Նման դրամները մինչև 120 աստիճան ջերմաստիճանում կարող են լվացվել նաև լվացքի մեքենայում: Բացի, այդ ավելի բարդ կլինի դրանք կեղծելը:
Նման դրամների արտադրությունը մոտ 50 տոկոսով ավելի թանկ կարժենա, սակայն բանկը կարծում է, որ դա կօգնի 100 մլն ֆունտ ստեռլինգ տնտեսել:
Մեծ Բրիտանիայի բնակիչները հնարավորություն կունենան տեսնել և նույնիսկ ձեռքում պահել այդ դրամները: Անգլիայի բանկի նախագահ Մարկ Քարնին վերջնական որոշում կկայացնի դեկտեմբերին:
