Մայիսի 27-ին՝ ժամը 13:49-ին ահազանգ է ստացվել, որ Երևան քաղաքի Հրազդանի մեծ կամրջից քաղաքացի է ընկել և ողջ մնացել:
Դեպքի վայր են մեկնել փրկարարական ուժերի վարչության հատուկ փրկարարական ջոկատի հերթապահ խումբը և ճգնաժամային կառավարման կենտրոնի օպերատիվ խումբը (պարամեդիկներով):
Պարզվել է, որ Հրազդանի մեծ կամրջի հարակից տարածքում գտնվող պոմպակայանից Հրազդան գետն է ընկել Երևան քաղաքի բնակիչ Արսեն Հակոբյանը (35-40 տարեկան), որի հետևանքով ստացել է տարբեր աստիճանի մարմնական վնասվածքներ և մինչև փրկարարների ժամանելը տեղափոխվել Երևան քաղաքի «Արմենիա» բժշկական կենտրոն:
Տուժածի առողջական վիճակը գնահատվել է ծայրահեղ ծանր:
