Դամասկոսում չեն հասկանում, թե ինչու է Օբաման աջակցում նրանց, ովքեր, ըստ էության, ժամանակին պայթեցրել են Նյու Յորքի Առևտրի համաշխարհային կենտրոնը: ITAR-TASS-ի փոխանցմամբ՝ այս մասին հայտարարել է Սիրիայի արտգործնախարար Վալիդ Մուալեմը՝ ռուս գործընկեր Սերգեյ Լավրով հետ հանդիպման արդյունքներով:
Որո՞նք են ԱՄՆ-ի իրական շահերը՝ հարցադրում է արել Մուալեմն ու շարունակել՝ տարածաշրջանում ագրեսիան սանձազերծե՞լը:
Մուալեմը նաև հայտնել է, որ ԱՄՆ նախագահը չի առաջնորդվում ժողովրդի շահերով:
Նրա խոսքով՝ Սիրիայում հնարավոր ռազմական ներխուժումից ամենից շատ կտուժի խաղաղ բնակչությունը, առաջին հերթին՝ կանայք ու երեխաները:
«Ինչպես ցույց է տալիս պատմությունը, ցանկացած ռազմական հակամարտության առաջին զոհերը կանայք են և երեխաները»,- փաստել է նախարարը:
Նրա խոսքով՝ ռուսական ղեկավարությունն անում է հնարավորը՝ կանխելու ագրեսիան: «Մենք բարձր ենք գնահատում ՌԴ նախագահ Վլադիմիր Պուտինի սկզբունքային դիրքորոշումը Սիրիայի հարցում»,- նշել է Մուալեմը:
