Քաղաքական մեկնաբան Բիլ Օ’Ռեյլին կստանա միլիոնավոր դոլարներ փոխհատուցում Fox News հեռուստաալիքի հետ նրա աշխատանքային պայմանագրի վաղաժամ խզման համար, հայտնում է CNN-ը` վկայակոչելով սեփական աղբյուրներին:
CNN-ի աղբյուրի տվյալներով` փոխհատուցումը շատ խոշոր գումար է, քանի որ Օ’Ռեյլին նոր պայմանագիր էր կնքել մինչև իրեն ազատելու որոշումը: Մեկնաբանի աշխտանքային պայմանագրում սահմանված է տարեկան 25 միլիոն դոլարի չափով աշխատավարձ:
Սկանդալը Օ’Ռեյլիի շուրջ թեժացել է այն ժամանակ, երբ The New York Times պարբերականը հոդված է հրապարակել այն մասին, որ հաղորդավարը 13 միլիոն դոլար է վճարել 5 կանանց, ովքեր նրան մեղադրել են ոտնձգությունների և անվայել պահվածքի մեջ: Տուժածները, ովքեր աշխատել են Fox News-ում նրա հետ կամ մասնակցել են նրա ծրագրերին, պնդել են, որ նա իրենց առաջարկել է ինտիմ հարաբերությունների մեջ մտնել իր հետ կարիերայի առաջխաղացման համար:
