ՀՀ սփյուռքի նախարար Հրանուշ Հակոբյանն ապրիլի 20-ին ընդունեց ՀՄԸՄ պատվիրակությանը, որի կազմում էին ՀՄԸՄ Կենտրոնական վարչության ատենապետ Գառնիկ Մկրտիչյանը, ՀՄԸՄ Կենտրոնական վարչության անդամ Օշին Փիրումյանը, ՀՄԸՄ-ՀԱՍԿ ատենապետ, համաՀՄԸՄական խաղերի կազմակերպչական հանձնախմբի անդամ, Երկիր Մեդիա հեռուստաընկերության գործադիր տնօրեն Դավիթ Հակոբյանը, համաՀՄԸՄ-ական խաղերի կազմակերպչական հանձնախմբի անդամ Մհեր Բոյաջյանը:Այս մասին տեղեկացրին ՀՀ սփյուռքի նախարարության մամուլի և հասարակայնության հետ կապերի վարչությունից :
Ողջունելով հյուրերին՝ նախարար Հրանուշ Հակոբյանը կարևորեց համահայկական ավանդական կազմակերպության հայանպաստ, ազգանվեր 100-ամյա գործունեությունը: Անդրադարձ կատարվեց Երևանում՝ հուլիսի 20-29-ը անցկացվելիք մարզախաղերին, որոնց կմասնակցի 900-ից ավելի մարզիկ աշխարհի տարբեր երկրներից:
Քննարկվեցին համաՀՄԸՄական 10-րդ խաղերի կազմակերպչական աշխատանքներին, ՀՀ սփյուռքի նախարարության և ՀՄԸՄ միջև համագործակցության զարգացմանը և ամրապնդմանը, նախարարության ծրագրերին կառույցի անդամների մասնակցությանը, 2018թ. կառույցի հիմնադրման 100-ամյակին նվիրված նախապատրաստական աշխատանքների ընթացքին վերաբերող հարցեր:
