Canalys վերլուծական ընկերության փորձագետների հաշվետվության համաձայն՝ 2013 թ. երկրորդ եռամսյակում չինական սմարթֆոնների մասնաբաժինը համաշխարհային շուկայում կազմում է 20 %:
IDC վիճակագրական հսկան պնդում է, որ սմարթֆոն արտադրող հաջողակ ընկերությունների թոփ-5 մտել են չինական երկու ընկերություններ Lenovo-ն և ZTE-ն` առաջ անցնելով Sony-ից, HTC-ից և Nokia-ից:
OPPO FIND 5
Այս սմարթֆոնի դեմքն անցած տարի եղել է դերասան Լեոնարդո Դի Կապրիոն: Այն ունի Qualcomm Snapdragon S4 Pro պրոցեսոր, 5 դյույմանոց էկրան, 13 մեգապիքսել տեսախցիկ, կշռում է 165 գրամ:
LENOVO K 900
Սմարթֆոնն ունի Intel Atom պրոցեսոր, 5.5 դյույմանոց էկրան, Sony արտադրության տեսախցիկ, կշռում է 162 գ: Հեռախոսի պատյանը պատրաստված է փայլեցված չժանգոտվող երկաթից:
Huawei Ascend P 6
Ինչպես պնդում է արտադրողը, սա աշխարհում ամենաբարակ սմարթֆոնն է այսօրվա դրությամբ: Այն ունի Huawei HiSilicon պրոցեսոր, 4.7 դյույմանոց էկրան, 8 մեգապիքսել տեսախցիկ, կշռում է 120 գ: Սմարթֆոնի պատյանը նման է iPhone 5-ին, սակայն ավելի երկար, լայն և բարակ է:
Xiaomi Red Rice
Xiaomi-ի հիմնադիր Լե Ցզյունին IT ոլորտում անվանում են չինացի Սթիվ Ջոբս: Xiaomi ընկերությունը հայտնվել է 2010թ.: Ընկերության սմարթֆոնն ունի վառ կարմիր, սև կամ մետալիկ գունավորում: Այն ունի MediaTek պրոցեսոր, 4.7 դյույմանոց էկրան, 8 մեգապիքսել տեսախցիկ և կշռում է 158 գ:
