Սեպտեմբերի վերջին Մոնտե Կառլոյում տեղի կունենա ժամացույցներին առնչվող տարվա ամենակարևոր իրադարձություններից մեկը՝ Only Watch բարեգործական աճուրդը, որտեղ կվաճառվեն ժամացույցների հայտնի ապրանքանիշների 33 մոդելներ:
Աճուրդը կայանում է 2 տարին մեկ անգամ՝ Monaco Yacht-ի շրջանակներում։ Այս տարի Patek Phillipe և Breguet ապրանքանիշները միմյանցից անկախ «ոգեշնչվել են» միևնույն մեխանիզմով: Խոսքը CH 27 տեսակի մասին է: Գլխավոր արտադրողներն անմիջապես գնահատել են դրա առավելությունները՝ հուսալիություն, մեծ պոտենցիալ, շատ պարզ կարգավորումներ: Այս մեխանիզմը բարձր է գնահատվում նաև այն բանի համար, որ կարելի է առանձնացնել, դեկորատիվ դարձնել դրա յուրաքանչյուր մասնիկը, ապա նորից հավաքել:
Նշենք, որ այն առաջին անգամ արտադրվել է 1940-ին՝ Lemania գործարանում՝ վարպետ Ալբեր Պիգի կողմից: Դրա թողարկումը շարունակվում է մինչև օրս՝ Nouvele Lemania նոր գործարանում:
Այսպես, Patek Philippe-ը Only Watch-ում ցուցադրել է Ref.5004-ի 13 մոդել՝ Grande Complication հավաքածուից: Դրանցում CH 27 տեսակը համալրված է 2 մոդելներով՝ քրոնոգրաֆով և ուլտրաբարակ օրացույցով: Դրանց կաղապարի տրամագիծը 36.7 մմ է՝ պատրաստված պլատինե տիտանից: Առաջին անգամ Patek Philippe-ի մոդելն ունի ոչ թե կոկորդիլոսի կաշվից կաշեփոկ, այլ կարմիր գծիկով թևնոց:
Ինչ վերաբերում է Breguet ապրանքանիշին, այս դեպքում վերոնշյալ տեսակը ստացել է նոր Caliber 2310 անվանումը և տեղադրված է դեղին ոսկուց 45 մմ-անոց կաղապարում:
