2016թ. ընացքում ԱՄՆ գործող պետքքարտուղար Ռեքս Թիլերսոնը վաստակել է 27.4 միլիոն դոլար ExxonMobil ընկերության գործադիր ղեկավարի պաշտոնում: Այս մասին հաղորդում է Reuters գործակալությունը՝ վկայակոչելով ընկերության տվյալները, որոնք փոխանցվել են արժեթղթերի և բորսաների ամերիկյան հանձնաժողովին:
Նշվում է, որ ExxonMobil-ի թոփ-մենեջերների եկամուտները աճել են, չնայած ընկերության շահույթը կիսով չափ նվազել է: Գործակալությունը նշում է, որ Թիլերսոնի կոմպենսացիոն փաթեթն աճել է 0.5%-ով, քանի որ նրա աշխատավարձն բարձրացել է 4%-ով՝ մինչև 3.2 միլիոն դոլար, 8%-ով աճ է գրանցել նաև պարգևատրումը՝ մինչև 19.7 միլիոն դոլար:
