Շաքարային դիաբետ ունեցող երեխաներին և երիտասարդներին անվճար ինսուլին ստանալու իրավունքի իրացումը պատշաճ մակարդակով ապահովելու նպատակով կառավարությունն ընդունեց համապատասխան որոշում:
ՀՀ առողջապահության նախարար Լևոն Ալթունյանը նշեց, որ պետբյուջեից հատկացվող միջոցների շրջանակում 2017-2019թթ. անխափան կապահովվի շաքարային դիաբետով տառապող երեխաների և երիտասարդների հակադիաբետիկ դեղի պահանջարկը 100 տոկոսով:
Ըստ նախագծի հիմնավորման` ինչպես ամբողջ աշխարհում, այնպես էլ Հայաստանում շաքարային դիաբետով հիվանդների թիվը տարեցտարի աճում է։ ՀՀ-ում 2016թ-ին մինչև 18 տարեկան դիաբետ ունեցող հիվանդների տարեկան աճը 2015թ-ի հետ համեմատ կազմել է 8 տոկոս, իսկ 18-22 տարեկաններինը՝ 14,4 տոկոս:
