Էկվադորի նախագահ Ռաֆայել Կորեան առաջարկել է քրեական պատիժ սահմանել նրանց համար, ովքեր սոցցանցերն օգտագործում են այլ մարդկանց վիրավորելու համար՝ հաղորդում է Ria Novosti-ն:
«Չի կարելի թույլ տալ վիրավորանքները ոչ մի ձևով, և դա չի նշանակում հարձակում ազատ կարծիքի արտահայտման վրա: Ինչպես գոյություն չունի պատասխանատվություն առանց ազատության, այնպես էլ չի կարող գոյություն ունենալ ազատություն՝ առանց պատասխանատվության: Դա արդեն անպատժելիություն կլիներ»,- ասել է Կորեան:
Կորեայի առաջարկությամբ՝ օրենսդիր հանձնաժողովի քննարկմանն են ներկայացվել առաջարկություններ, համաձայն որոնց՝ քրեական պատասխանատվություն կսահմանվի մամուլում և սոցցանցերում վիրավորանքների համար: Վիրավորողները կենթարկվեն ազատազրկման կես տարուց մինչև 2 տարի ժամկետով:
Իսկ այն ԶԼՄ-ները, որոնք նույնությամբ կվերարտադրեն սոցցանցերի վիրավորանքները, կարող են տուգանվել ոչ հավաստի աղբյուրներից օգտվելու համար:
