The New York Times ամերիկյան պարբերականը հրապարակել է սիրիացի 7 զինծառայողների մահապատժի կադրեր, որոնց պատանդ էին վերցրել վարչակարգի դեմ պայքարող ապստամբները:
Տեսանյութում զինված գրոհայինները կանգնած են յոթ պատանդների առաջ, որոնց ստիպել են գլուխը մտցնել հողի մեջ: Զինվորականներից հինգի ձեռքերը կապված են, նրանց մարմնի վրա կան կապտուկներ:
Դաշտային հրամանատարն ասում է, որ այս պատանդները 50 տարի ծառայել են կոռումպացված վարչակարգին, որի գործողությունների համար իրենց խմբավորումը կպատժի նրանց: Խոսքն ավարտելուց հետո նա գնդակահարում է գերիներից մեկին, նրա օրինակին են հետևում մյուս ապստամբները՝ սպանելով զինվորականներին:
Գնդակահարության կադրերը չեն ցուցադրվում՝ էթիկական պատկերացումներից ելնելով. տեսանյութը սևացված է մի քանի վայրկյան, երբ կրակոցներ են հնչում:
Գրոհայինները տեսանյութը ձայնագրել են 2012թ. գարնանը: Տեսանյութից հետո հաղորդվում է, որ զինվորներին նետել են ընդհանուր գերեզմանոց:
Ինչպես հաղորդում է The New York Times-ը, տեսանյութը պարբերականին ներկայացրել է սիրիացի նախկին ապստամբ, որը հայտարարել է, որ իր մոտ նողկանք է առաջացնում ընդդիմադիրների վարքը:
