Հյուսիսատլանտյան դաշինքը չի նախատեսում ընդլայնել իր դերը սիրիական հակամարտությունում, սակայն, ինչպես նախկինում, հարթակ կտրամադրի դաշնակիցների քննարկումների համար և կանի ամեն ինչ՝ ՆԱՏՕ-ի անդամ հանդիսացող Թուրքիային պաշտպանելու համար: Ինչպես հաղորդում է RIA Novosti-ն, այս մասին հայտարարել է ՆԱՏՕ-ի տեղեկատվական բյուրոյի ղեկավար Ռոբերտ Պշելը:
«ՆԱՏՕ-ն շատ կարևոր ֆորում է դաշնակիցների, իսկ այժմ նաև գործընկերների միջև խորհրդակցությունների համար: Դա կարևոր է: Երկրորդ տարրն այն է, թե ինչ ենք անում մենք ՆԱՏՕ-ի անդամի պաշտպանության համար, որը Սիրիայի հարևանն է, այսինքն՝ Թուրքիայի: Այդ պատճառով այնտեղ տեղակայել ենք Patirot»,- ասել է նա և հավելել, որ դաշինքը չի պատրաստվում որևէ այլ բան անել Սիրիայի հարցով:
ITAR-TASS գործակալությունն իր հերթին հաղորդում է, որ Իտալիայի վարչապետ Էնրիկո Լետան G20-ի գագաթնաժողովի շրջանակներում հանդիպելով ԱՄՆ նախագահ Բարաք Օբամայի հետ՝ պնդել է սիրիական ճգնաժամի քաղաքական լուծման իր դիրքորոշումը:
