Եվրասիական տնտեսական միության մեխանիզմներն ավելի արդյունավետ կգործեն, եթե անդամ բոլոր երկրների տնտեսությունները գտնվեն մոտավորապես նույն մակարդակի վրա: Այս մասին «Միր» հեռուստաընկերությանը տված հարցազրույցում հայտնել է Ղազախստանի նախագահ Նուրսուլթան Նազարբաևը:
«Հարկավոր է ԵՏՄ անդամ երկրներին ձգել մի մակարդակի: Այժմ որոշները զարգացման հարցում առաջ են գնացել, որոշները միջին մակարդակում են գտնվում, երրորդները ընդհանրապես ներքևում են: Խնդիրը դրանում է: Պետք է բոլորին ձգել, որպեսզի հնարավորություն լինի հավասարաչափ աշխատել: Ստացվում է, որ պետությունները, որոնք օբյեկտիվորեն ավելի աղքատ են, հույս ունեն, որ մյուսները կօգնեն: Բայց այդպես չի լինում, շուկայական էկոնոմիկայում ոչ մեկ նվեր չի անում: Այդ ակնկալիքները կան, միգուց, կա նաև հիասթափություն: Պետք է յուրաքանչյուրը աշխատի»,-ասել է նա:
Միևնույն ժամանակ Նազարբաևն ընդգծել է, որ երկրները պետք է օգնեն միմյանց՝ առևտրի համար հնարավորություններ ստեղծելով: «Բայց յուրաքանչյուր պետություն պետք է հասնի որոշակի մակարդակի»,- հավելել է Ղազախստանի նախագահը:
