«Ընտրությունը կատարում է հանրությունը, ես ևս մեկ անգամ համոզվեցի, որ որևէ մեկի ձայնի վրա որևէ մեկի վերահսկողությունը չկար, և ժողովուրդն է կողմնորոշվել, տվել իր ձայները»,- ամփոփելով խորհրդարանական ընտրությունները՝ «Առաջին լրատվական»- ի հետ զրույցում նշեց ԱԺ ՀՀԿ խմբակցության ղեկավար Վահրամ Բաղդասարյանը՝ հավելելով՝ բնականաբար կլինեն տարբեր քննադատություններ, համենայնդեպս փաստ է, որ ՀՀ-ի առանցքային քաղաքական ուժը ՀՀԿ-ն է:
Վ. Բաղդասարյանի գնահատմամբ՝ ընտրությունների անցկացման գործընթացում ժողովրդավարության իմաստով բավականին առաջընթաց կար. «Իհարկե նոր համակարգ էր, նորամուծություն էր, դժվար էր ադապտացվում հանրությունը, բայց ևս մեկ անգամ ապացուցվեց, որ իշխանության հասցեին քննադատություն հնչեցնողները հանրության մի փոքր մասն են կազմում, փաստ է, որ 700 000-ից ավելի ձայն ժողովուրդը վսահել է իշխող ՀՀԿ-ին»:
Անդրադառնալով դիտարկմանը, որ ՀՀԿ-ական ռեյտինգային թեկնածուները տնետուն ընկած գումար էին առաջարկում և քվե ստանում, Վ. Բաղդասարյանը նշեց, որ իր կողմից բարձր մակարդակի քարոզարշավ է իրականացվել, նման բան չի եղել և հավելեց, որ եթե նման բան լիներ, զարմանալի է, թե ինչու չպետք է այդ մասին արձանագրեին ընդդիմադիր ուժերի վստահված անձինք: Նա նշեց, որ, այնուամենայնիվ, չի բացառում, որ նման երևույթներ կարող են եղած լինել, և կարծիք հայտնեց, որ այդ ամենը ուռճացված է ներկայացվում:
«Որևէ քաղաքական ուժ երաշխավորված չէ, որ իրեն արջի ծառայություններ կարող են մատուցել և նման ձևերով ձայներ վաստակել,- նշեց Վ. Բաղդասարյանը և հավելեց, որ իր կարծիքով՝ նախորդ ընտրությունների հետ համեմատած՝ այս անգամ թռիչքային քայլեր են արվել՝ ընտրությունների նկատմամբ հանրության վստահությունը բարձրացնելու համար:
Մանրամասները՝ տեսանյութում:
