Կառավարության այսօրվա նիստի սկզբում վարչապետ Տիգրան Սարգսյանն անդրադարձել է Մրցունակության 2013-2014թթ համաշխարհային զեկույցին, որտեղ Հայաստանը իր դիրքը բարելավել է 3 կետով: Նա շեշտըել է, որ Հայաստանի դիրքի բարելավումը կապված է նոր բիզնես սկսելու համար անհրաժեշտ գործընթացների հետ:
«Այս ցուցանիշով մենք 10-րդ տեղում ենք: Աշխատանքի ընդունվելու եւ աշխատանքից ազատվելու գործելակերպով՝ 12-րդ տեղը, պետական քաղաքականության թափանցիկությամբ` 24-րդ տեղը, ներդրողների պաշտպանության ուժգնությամբ՝ 25-րդ տեղը եւ պետական կառավարման բեռի ուղղությամբ՝ 34-րդ տեղը»,- ասել է Տ. Սարգսյանը:
Որպես Հայաստանի թերություններնա նշել է կառավարման դպրոցների որակը՝ 120-րդ տեղ, երկրում տաղանդների պահպանման ունակությունը՝ 121-րդ տեղ, մաքսային գործընթացների բեռը՝ 123-րդ տեղ, արտաքին շուկայի չափի համաթիվը՝ 127-րդ տեղ եւ համախառն ներքին արդյունքի մեջ արտահանման մասնաբաժինը՝ 139-րդ տեղ:
Լուսանկարը՝ PanARMENIAN Photo-ի
