Տնտեսական համագործակցության և զարգացման կազմակերպությունը (OECD) հրապարակել է հետազոտության արդյունքներ՝ նվիրված կեղծ սարքերի առևտրին։ Հետազոտությունում նշվում է, որ յուրաքանչյուր 5-րդ իրացված սմարթֆոն և յուրաքանչյուր 4-րդ խաղային սարք հանդիսանում է կեղծված։
Փորձագետները նշում են, որ կեղծված սարքերի թվում հաճախ են հանդիպում նաև լիցքավորիչ սարքեր, հիշողության քարտեր, պլանշետներ, նոթբուքեր, հեռակառավարման վահանակներ և այլ էլեկտրոնիկա։ Կեղծված տեխնիկայի հիմնական աղբյուրը համարվում է Չինաստանը։ Փորձագետների տվյալներով՝ կեղծ ապրանքների արտադրությունից ամենամեծ ֆինանսական կորուստները կրում է ԱՄՆ-ը։
Հետազոտողները նշում են, որ կեղծ ապրանքները սպառնալիք են ներկայացնում ոչ միայն օգտատերերի անձնական տվյալների պահպանության համար, այլև նրանց առողջության։ Դրանք բացասաբար են անդրադառնում նաև բրենդների հեղինակության ու եկամուտների վրա։ 2013 թվականին կեղծ սարքերին բաժին էր ընկել համաշխարհային առևտրի 6.5 տոկոսը, այդ թիվը 2016-ին նվազել է՝ հասնելով 2.5 տոկոսի։