Լիբիայի առաջնորդ Մուամար Քադաֆին իրեն զրկել է լեգիտիմությունից, և պետք է նրան օգնել հեռանալ, Մոսկվան պատրաստ է միջնորդ լինել: Այս մասին ասել է Ռուսաստանի արտաքին գործերի փոխնախարար Սերգեյ Րյաբկովը:
«Մենք կարծում ենք, որ գնդապետ Քադաֆին իր գործողություններով ինքն իրեն զրկել է լեգիտիմությունից, և անհրաժեշտ է նրան օգնել հեռանալ»,- Դովիլում տեղի ունեցող Մեծ ութնյակի գագաթնաժողովի շրջանակներում ճեպազրույցի ժամանակ լրագրողներին ասել է Րյաբկովը` հավելելով, որ Ռուսաստանը կարող է կողմերին «որոշակի ազդանշաններ» հասցնելու միջնորդ դառնալ: Այս մասին հաղորդում է RIA-Novosti գործակալությունը:
Ակնհայտ է, որ ՌԴ նման դիրքորոշումը պայմանավորված է Մեծ ութնյակի որոշումներով, որոնց համաձայն ութ երկրները որոշել են անել հնարավոր ամեն ինչ Քադաֆիին իշխանությունից արագ հեռացնելու և համապատասխան ժողովրդավարական գործընթացներ սկսելու համար:
