Грузия Online-ի փոխանցմամբ, Վրաստանի ՆԳՆ-ը հերքել է լրատվամիջոցներում հայտնված այն տեղեկատվությունը, թե մայիսի 25-ի լույս 26-ի գիշերն ընդդիմության ցույցի ցրման ժամանակ ձերբակալված մինչև 90 ցուցարարները մեղադրվում են պետական հեղաշրջում ձեռնարկելու մեջ:
ՆԳՆ-ը հայտարարել է, որ ոչ մի ցուցարարի հանդեպ նման մեղադրանք չի ներկայացվել. «Ցուցարարների մեծ մասը ձերբակալվել է ոստիկանությանը դիմադրելու, խուլիգանության և մի շարք մանր հանցագործությունների համար»:
Հիշեցնենք, որ երեկ Վրաստանի ՆԳՆ տեղեկատվական-վերլուծական դեպարտամենտի ղեկավար Շոթա Ուտիաշվիլին հայտարարել է, որ Թբիլիսիի կենտրոնում ընդդիմության ցույցի ցրման ժամանակ ձերբակալվել է մոտ 90 մարդ, և որ նրանց բոլորի նկատմամբ որպես խափանման միջոց ընտրվել է երկամսյա կալանքը:
