Թուրքիայի ռազմաօդային ուժերի՝ Ինջիրլիքում (Ադանայի գավառ) գտնվող բազայում վայրէջք են կատարել 3 ամերիկյան բեռնատար ինքնաթիռներ:
Ինքնաթիռներում գտնվում են ռազմական բնույթի իրեր, հաղորդում է HaberTurk գործակալությունը:
Ինքնաթիռները վայրէջք են կատարել հերթով՝ մեկը մյուսի հետևից: Բեռների մասին ավելի մանրամասն տեղեկություններ չեն նշվում:
Ավելի վաղ՝ առավոտյան, ավիաբազայից թռիչք են իրականացրել 6 F-16 կործանիչներ և անօդաչու հետախույզ ինքնաթիռը:
Անկարան պաշտոնական հայտարարություններ չի արել Սիրիայի վարչակարգի դեմ ռազմական գործողությունների ժամանակ Ինջիրլիքի բազայի հնարավոր օգտագործման մասին՝ չնայած որ նախկինում այդ բազան թուրք-ամերիկյան էր համարվում: Տեղի դիտորդներն այս ակտիվությունը համարում են Սիրիայում ռազմական գործողությունների նախապատրաստություն: