2014թ. մարտին անհետացած՝ MH370 չվերթն իրականացնող ինքնաթիռի կործանման զոհերի ընտանիքները սկսել են միջոցներ հավաքել օդանավի մասնավոր որոնումների համար: Այս մասին հայտնում է BBC-ն:
Նրանք մտադիր են 15 մլն դոլար հավաքել՝ օվկիանոսի՝ որոնումների նախորդ գոտուց հյուսիս գտնվող հատվածում որոնելու համար: Միաժամանակ նախաձեռնող խումբն ուզում է համոզվել, որ որոնումներին ներգրավված երկրների կառավարությունները չեն շարունակի գործողությունը:
Հունվարին Ավստրալիան, Մալայզիան և Չինաստանը հայտարարեցին օդանավի որոնումների դադարեցման մասին, երբ փրկարարները հետազոտել են Հնդկական օվկիանուսի ավստրալական մերձափնյա տարածքից արևմուտք ընկած 120 000 քկմ տարածքը:
Միաժամանակ, բոլոր 3 երկրների ներկայացուցիչները ընդգծեցին, որ իրենք պատրաստ են վերսկսել որոնումները, եթե ինքնաթիռի հնարավոր գտնվելու վայրի որևէ վկայություն հայտնաբերվի:
Boeing 777-200 օդանավը Կուալա-Լումպուրից Պեկին չվերթ էր իրականացնում 227 ուղևորի և անձնակազմի 12 անդամների հետ: Այն անհետացել է 2014թ. մարտի 8-ի երեկոյան: Ենթադրաբար, օդանավը կործանվել է Հնդկական օվկիանոսի հարավային հատվածում:
