Վենեսուելայի նախագահ Նիկոլաս Մադուրոն հայտարարել է իր սպանության և Սիրիայում ԱՄՆ ներխուժման ծրագրերի միաժամանակյա լինելու մասին: Այս մասին հայտնում է RIA Novosti-ն:
Ավելի վաղ Մադուրոն Օբամային կոչ էր արել հրապարակավ պատասխանել հարցին, թե նա իմացե՞լ է պատրաստվող մահափորձի մասին, որը Կարակասի տվյալներով՝ նախապատրաստվել է ամերիկյան տարածքում:
Օրերս Վենեսուելայի ՆԳՆ-ն հայտնել էր Կոլումբիայի երկու քաղաքացիների ձերբակալման մասին, ովքեր կասկածվում են նախագահի դեմ մահափորձի նախապատրաստման մեջ: Գերատեսչության տվյալներով՝ սպանություն պատրաստող խումբը կազմված է 10 մարդուց:
Նա ընդգծել է, որ ներկայիս ամերիկյան հասարակությունը պետք է փոխի իր ուղենիշները: «Այդ կայսրությունը՝ ԱՄՆ-ը, պետք է ավարտվի և կրկին աճի, սակայն արդեն հիմնվելով 21-րդ դարի և Մարտին Լյութեր Քինգի արժեքների վրա»,- ընդգծել է Վենեսուելայի նախագահը: