Այսօր Ազգային ժողովում քննարկվում է«Ասիական զարգացման բանկի ու ՀՀ միջեւ ստորագրված վարկային համաձայնագիրը», որը նպատակ ունի բարելավել Ալավերդի-Վանաձոր-Վրաստանի սահմանի միջպետական ճանապարհը: Նախագիծը ներկայացնում է Տրանսպորտի, կապի և ՏՏ փոխնախարար Արթուր Առաքելյանը: Նա նշեց, որ այս վարկային համաձայնագրով պետք է հիմնովին վերանորոգվեն ճանապարհին առկա թունելները, 12 կամուրջ, արդյունքում արագությունը կաճի 2,5 անգամ: Վարկի չափը 44 մլն եվրո է:
ԱԺ ԲՀԿ խմբակցության պատգամավոր Միքայել Մելքումյանը, դիմելով փոխնախարար Արթուր Առաքելյանին, նշեց. «Ճանապարահաշինությունը այն տեղն է, որտեղ ամենից շատ են լինում ատկատներն ու կոռուպցիոն ռիսկերը, մինչդեռ ասում եք՝ թափանցիկ ու լավ մրցույթներ են անցկացվել այս բնագավառում: Այդ դեպքում հասարակության բարեկեցության մակարդակը պետք է բարձրանար, ինչը մենք չենք տեսնում»:
Մանրամասները՝ տեսանյութում:
