Ծայրահեղական շիական շարժման առաջնորդ Մուկթադա Սադրի տասնյակ հազարավոր համախոհներ Բաղդադում պահանջել են ամերիկյան զորքերի դուրսբերումն Իրաքից:
Ակցիայի մասնակիցները, որը տեղի է ունեցել երեքշաբթի օրը, բացականչում էին «Ո՛չ, ո՛չ Ամերիկային»: Այս մասին հաղորդում է BBC-ն:
«Ես պատրաստ եմ կռվել ամերիկացիների դեմ, եթե Սայիդը (Մուկթադա) հրամայի»,- ասել է ակցիայի մասնակից 18-ամյա Մուհամմեդ Մոյադը: Ցուցարարները գետնել են նաև Ամերիկայի դրոշը:
Կազմակերպիչների խոսքերով, հանրահավաքին մասնակցել է 700 հազարից ավելի մարդ, սակայն ըստ ամերիկացի զինվորականների` մասնակիցների ընդհանուր թիվը չի գերազանցել 70 հազարը:
Ինքը՝ Սադրն, ակցիայի ընթացքում չի հայտնվել:
Ըստ Բաղդադի և Վաշինգտոնի միջև կնքած համաձայնության՝ մինչև 2011 թ.-ի վերջը Իրաքում պետք է մնա 46 հազար ամերիկացի զինվորական:
Սակայն անցյալ շաբաթ Իրաքի վարչապետ Նուրի Մալիքին առաջարկել է երկարաձգել նրանց ներկայությունն Իրաքում: Նա հայտարարել է, որ 2012 թ.-ին Իրաքին պետք կգա ԱՄՆ օգնությունը կայունության և անվտանգության պահպանման համար:
