«Առաջին լրատվական»- ի զրուցակիցն է «Ելք» դաշինքի և «Լուսավոր Հայաստան» կուսակցության անդամ Հայկ Կոնջորյանը:
-Դուք որոշում եք կայացրել առաջադրվել թիվ 2 ընտրատարածքում, որո՞նք են այս ընտրատարածքի առանձնահատկությունները. մամուլը վերջին շրջանում գրում է, որ հենց ՀՀԿ թեկնածուների միջև է կատաղի պայքար ընթանալու:
-Ինչպես հանրապետության բոլոր ընտրատեղամասերում, այստեղ ևս կա մի կարևոր առանձնահատկություն, որը վերաբերում է հատկապես ՀՀԿ-ին. առաջադրվել են, մարդիկ, ովքեր տիրապետում են ահռելի ֆինանսական, ադմինիստրատիվ մարդկային ռեսուրսների, և մենք տեսնում ենք, որ այդ ռեսուրսները ամեն կերպ ծառայեցվում են ընտրություններում որոշակի հաջողություններ գրանցելու համար: Այս անգամ ստացվել է այնպես, որ ադմինիստրատիվ և ֆինանսական լծկների տիրապետող մարդիկ գտնվում են նույն՝ հանրապետական կաթսայի մեջ, և այդ պայքարը, ըստ էության, իրար միջև էլ է տեղի ունենալու, բայց այդ պայքարը քաղաքական բնույթի պայքար չէ, դա ադմինիստրատիվ լծակների պայքար է՝ հանուն քաղաքականության և դա քաղաքական համակարգն ապաքաղաքականացնելուն միտված պայքար է: Արդեն իսկ ստացված ահազանգերն այն մասին, որ ահռելի քանակությամբ ընտրակաշառքների խոստումներ են տալիս և արդեն ընտրակաշառք է բաժանվում, որոնց չափը գերազանցում է նախորդ ընտրություններին բաժանված ընտրակաշառքի չափերին, արդեն սկսվել է աճուրդը իշխող կուսակցության կողմից, և դա, ըստ էութան, Հայաստանի քաղաքական համակարգը նորից ձևախեղելու հերթական փորձերից մեկն է:
–Ի՞նչ եք կարծում ընդդիմությանը, մասնավորապես «Ելք» դաշինքին կհաջողվի՞ քարոզարշավի ընթացքում քաղաքացիների հետ տարվող բավարար աշխատանք կատարել:
-«Ելք» դաշինքը ի սկզբանե ասել է, որ քաղաքական իմաստով մեր թիրախը ՀՀԿ-ն է և իշխանությունն է, և մենք ասում ենք, որ գալիս ենք այլընտրանք առաջարկելու, բայց մեր անելիքը, մեր գլխավոր խնդիրը մարդկանց հետ աշխատանքն է:
Հարցազրույցն ամբողջութամբ՝ տեսանյութում:
