Բրիտանիայի շնաբույծների ակումբի ներկայացուցիչները բացել են շների ծանոթության կայք: Այս մասին հաղորդում է Belfast Telegraph-ը: Այս նախագծի հեղինակները կարծում են, որ սա թույլ կտա ցեղային շների գենետիկայի բազմազանություն ապահովել:
Կայքի հեղինակները հայտարարել են, որ Mate Select կայքը հիմնականում նախատեսված այն ցեղական շների տերերի համար, ովքեր ցանկանում են ավելի առողջ սերունդներ ստանալ իրենց շներից և խուսափել հնարավոր գենետիկ հիվանդություններից:
Որպեսզի հնարավոր լինի գտնել համապատասխան որձին կամ էգին, անհրաժեշտ է գրանցվել կայքում, լրացնել կենդանու մասին անհրաժեշտ տեղեկությունները և ծանոթանալ բազայում եղած հնարավոր տարբերակներին:
Այստեղ կարող են գրանցվել նաև նրանք, ովքեր նոր են ցանկանում գնել կենդանի և ուզում են նրա ծնողների մասին ավելի շատ տեղեկություններ հավաքել:
