Երկու մարդ է զոհվել և վեցը վիրավորվել Չինաստանի արևելքում գտնվող Ֆուչժոուի քաղաքապետարանի մոտ տեղի ունեցած երեք պայթյունների հետևանքով: Բացի այդ, վնասվել է առնվազն 10 տրանսպորտային միջոց:
Այս մասին այսօր հայտնել է Xinhua պետական լրատվական գործակալությունը: Պայթյունները տեղի են ունեցել միաժամանակ:
Չինական ԶԼՄ-ների տվյալներով՝ պայթուցիկների տեղադրման մեջ մեղադրվում է տեղի ֆերմերներից մեկը, որը վրեժխնդրություն է գործել վերջերս տեղի իշխանությունների հետ կոնֆլիկտ ունենալուց հետո: Սկզբում պայթել է մեքենան, որը կայանված է եղել դատախազության կողքին, դրանից հետո` քաղաքապետարանի առաջին հարկում տեղադրված ռումբը, ապա պայթել է քաղաքային խորհրդի սննդամթերքի վերահսկողության մոտ կայանած մեքենան:
Հարուցվել է քրեական գործ:
Վերջին ամսվա ընթացքում սա առաջին դեպքը չէ Չինաստանի հասարակական վայրերում տեղի ունեցած պայթյունների շարքում: Մայիսի 13-ին Գանսյուի բանկում տեղի ունեցած պայթյունի հետևանքով տուժել էր ավելի քան 40 մարդ: Այդ ժամանակ տեղեկություն տարածվեց, որ պայթյունն իրականացրել էր բանկի նախկին աշխատակիցը, որը հեռացվել էր աշխատանքից ֆինանսական մեքենայությունների համար:
