WikiLeaks-ի ինֆորմատոր Բրեդլի Մենինգը, որը դատապարտվել է 35 տարվա ազատազրկման, հայտարարել է, որ պատրաստ է վճարել հորմոնային թերապիան՝ կուրծքը մեծացնելու համար: Այս մասին հաղորդում է Associated Press-ը՝ վկայակոչելով դատապարտյալի փաստաբանին:
Անցած շաբաթ Մենինգը տեղափոխվել է Կանզաս նահանգի Ֆորթ-Լիվենուորթ ռազմաբազայի բանտ, սակայն բանտում նրան պահելու հարցերը սրվել են այն բանից հետո, երբ Մենինգը հայտարարեց, որ ցանկանում է ապրել որպես կին, և խնդրեց իրեն անվանել Չելսի: Ռազմաբազայի բանտում բացառապես տղամարդիկ են:
Դատապարտյալի փաստաբան Դևիդ Կումբսի խոսքերով՝ բանտը չի ֆինանսավորի Մենինգի հորմոնալ բուժումը՝ հարկատուների բողոքների պատճառով: Մենինգն անձամբ կվճարի դրա համար:
Հորմոնային թերապիան ենթադրում է էստրոգեն հորմոնի մեծ չափաբաժինների ընդունում՝ կրծքի մեծացման նպատակով:
«Դա նրա համար է, որպեսզի նա հարմարավետ զգա իր մարմնում»,- ասել է Կումբսը, որը Մենինգի մասին խոսում է իգական սեռով:
Ներկայում Մենինգը չի պատրաստվում սեռը փոխելու վիրահատություն անցկացնել, նա շարունակում է մնալ տղամարդկանց բանտում՝ նշել է փաստաբանը:
