«Կարգին սերիալի» 6-րդ եթերաշրջանից հետո «Կարգինի» անձնակազմը որոշել է ավարտել այս նախագիծը, քանի որ ինչպես esyes.am-ի հետ զրույցում սերիալի ռեժիսոր և պրոդյուսեր Արման Մարությանն էր ասել՝ պետք է ժամանակին հեռանալ:
«Կարգինի» թիմն արդեն ձեռնամուխ է եղել նոր նախագծի նկարահանումներին, որը, ամենայն հավանականությամբ, եթերում կլինի հոկտեմբերից: esyes.am-ը նախագծի մասին զրուցել է ռեժիսոր, պրոդյուսեր Արման Մարությանի հետ, ով որոշ մանրամասներ է պատմել: «Նոր նախագծում հավաքել ենք «Կարգինի» հին և նոր դերասաններին: Միասին եթերում կլինեն «Կարգին հաղորդման» և «Կարգին սերիալի» սիրված դերասանները՝ Անդոն ու Ռաֆոն, Արմինե Պողոսյանը, Աշոտ Մելոյանը, Ժենյա Մկրտումյան, Արեգ Գուլոյանը, Արշալույս Ավետիսյանը: Փորձելու ենք բոլորին ներգրավել այս նախագծում: Ցանկություն կար կրկին աշխատել նաև Հասմիկի հետ, ով այժմ ԱՄՆ-ում է: Դեռ հստակ չգիտեմ, գուցե փորձենք իրեն էլ բերել այստեղ:),- ասել է Արմանը՝ հավելելով, որ նոր նախագիծը սքեթչերի տեսքով է լինելու: -Հետաքրքիր մի բան էլ կա, որը հեռուստադիտողները կտեսնեն, երբ նախագիծը եթերում լինի»:
Թիմի տեխնիկական և ստեղծագործական անձնակազմը չի փոխվել: Արմանի փոխանցմամբ՝ նույն կազմն է, որն արդեն տասը տարուց ավելի աշխատում է «Կարգինի» հետ:
esyes.am-ը դերասանից ճշտել է՝ արդյոք ինքը և Մկոն ինչ-որ կոնֆլիկտ են ունեցել, և դա է պատճառը, որ այս եթերաշրջանում նրանք միասին հանդես չեն գա. «Կոնֆլիկտի համար առնվազն երկու կողմ է անհրաժեշտ: Մեր դեպքում կոնֆլիկտի համար պահանջվող պայմանները բավարար չեն. քանի որ առնվազն մի կողմը` ես, միշտ պատրաստ եմ համագործակցել Մկոյի հետ»:
Մանրամասները՝ esyes.am-ում
