Կահիրեում սկսվում է «Մուսուլման եղբայրներ» ասոցիացիայի առաջնորդների դատը: Իսլամիստների գերագույն «ուսուցիչ» Մուհամմեդ Բադիան և նրա 2 տեղակալները մեղադրվում են արյունահեղություններ հրահրելու մեջ:
Կահիրեի մեկ այլ դատարանում կվերանայեն նախկին նախագահ Հոսնի Մուբարաքի գործը՝ համանման մեղադրանքներով:
«Մուսուլման եղբայրները» մեղադրվում է նաև ահաբեկչական խմբավորումներ ստեղծելու մեջ, որոնց նպատակն է հարձակվել ոստիկանական տեղամասերի, պետական հաստատությունների և քրիստոնեական եկեղեցիների վրա:
Ինչպես գրում է «Ալ-Ահրամ» թերթը, դատական պարզաբանումների օրակարգում 2 դրվագներ են: Առաջինը առնչվում է նախորդ տարվա դեկտեմբերին Իթիհադիա նախագահական նստավայրի մոտ տեղի ունեցած իրադարձություններին, երբ «Մուսուլման եղբայրների» կոչերով բախումներ բռնկվեցին Մուհամմադ Մուրսիի կողմնակիցների և հակառակորդների միջև: Իսկ երկրորդ դրվագը առնչվում է հուլիսին Հանրապետական գվարդիայի գլխավոր գրասենյակի մոտ տեղի ունեցած անկարգություններին:
Վերջին օրերի ընթացքում Եգիպտոսի անվտանգության ուժերը ձերբակալել են ասոցիացիայի հարյուրավոր ակտիվիստների, նրանցից շատերից առգրավվել է զենք, ինչի շնորհիվ զգալիորեն պակասել են փողոցային հակամարտությունները:
«Մուսուլման եղբայրների» գործունեությունն արգելելու համար Եգիպտոսում իրավական հող է նախապատրաստվում՝ հաղորդել է Շերիֆ Շոուկին՝ նախարարների կաբինետի մամուլի հետ կապերի խորհրդականը:
Կիրակի օրը Կահիրեի մեկ այլ դատարանում սպասում են նախկին նախագահ Հոսնի Մուբարաքի ներկայանալուն, որին առաջադրվել են համանման մեղադրանքներ, սակայն նա այդ հանցագործությունները գործել է մի քանի տարի առաջ:
Մուբարաքը մեղադրվում է այն բանում, որ նա, որպես ապագա նախագահ, 2011-ի փետրվարին թույլ է տվել ռազմական փամփուշտներ կիրառել՝ ընդդիմության ցույցը ցրելու նպատակով:
