Պենտագոնը վերատեղակայում է Միջերկրական ծովում գտնվող ԱՄՆ ռազմածովային ուժերի նավերը, որպեսզի անհրաժեշտության դեպքում հարվածի Սիրիային, գրում է Interfax-ը՝ վկայակոչելով The Washington Post-ը:
«Պաշտպանության նախարարությունը ԱՄՆ նախագահին տարբեր սցենարների դեպքում գործողությունների տարբեր վարկածներ է ներկայացնում, և դա մեր ուժերի և միջոցների վերատեղակայում է պահանջում»,- Պենտագոնի ղեկավար Չակ Հեյգելի խոսքերն է մեջբերում պարբերականը:
Վերջինս չի ճշգրտել, թե կոնկրետ ինչ գործողություններ են ձեռնարկում ԱՄՆ ռազմածովային ուժերը: Հեյգելը նաև հավելել է, որ ԱՄՆ-ը համագործակցում է միջազգային հանրության հետ՝ պարզելու համար՝ արդյո՞ք Սիրիայում քիմիական հարձակում արձանագրվել է:
