Փետրվարի 6-ին վաղ առավոտյան՝ ժամը 07։40-ի սահմաններում Երասխավան-Երևան ավտոճանապարհի 27-րդ կմ հատվածում «Ֆան» մակնիշի 31 64 Լ համարանիշի մարդատար ավտոբուսը դեպի Երևան ընթանալիս բախվել է բետոնե արգելապատնեշներին և կողաշրջվել։
«Վթարի հետևանքով տուժած անձանցից երեքը տեղափոխվել են «Էրեբունի» բժշկական կենտրոն, նրանցից երկուսը տեղափոխվել են Արտաշատի ԲԿ-ից «Շտապօգնության» մեքենայով, մեկ տուժած դիմել է անմիջապես վթարի վայրից,- «Առաջին լրատվական»- ի հետ զրույցում այս մասին տեղեկացրեց Էրեբունի ԲԿ ընդունարանի վարիչ Լուսինե Սարդարյանը:
Նրա խոսքով՝ տուժածներն անցել են անհրաժեշտ հետազոտություններ, կատարվել է ԿՏ, ռենտգեն հետազոտություն, սոնոգրաֆիա, գտնվել են դինամիկ հսկողության տակ: Տուժածների մոտ եղել է միջին ծանրության և թեթև վնասվածքներ. «Մեկ պացիենտի մոտ կրծքավանդակի, թոքի թեթև սալջարդ էր, մյուս երկուսի մոտ վերջույթների քերծվածքներ, վիճակի կայունացումից հետո երեքն էլ տուն են գնացել»:
Մանրամասները տեսանյութում:
