Լոնդոնի կենտրոնում մի քանի հազար մարդ երթ է կազմակերպել դեպի Մեծ Բրիտանիայի խորհրդարանի շենք՝ Վեսթմինսթերյան պալատ՝ երկիր ԱՄՆ նախագահ Դոնալդ Թրամփի այցի հրավերը հետ կանչելու կոչով: Այս մասին հայտնում է Associated Press-ը:
Ցուցարարները մոտ 3 կմ են անցել՝ ԱՄՆ դեսպանատնից մինչև Բրիտանիայի կառավարության շենք: Նրանց ձեռքերին Թրամփի պետական այցի դեմ գրառումներով պաստառներ են եղել, նրանք բացականչել են «Թերե՛զա Մեյ, ամո՛թ Ձեզ»:
Ավելի վաղ հաղորդվում էր, որ ավելի քան 290 000 մարդ հանդես է եկել հօգուտ Բրիտանիա Թրամփի այցի: Միաժամանակ, ԱՄՆ նախագահի այցի դեմ խնդրագիրը 1,8 մլն ստորագրություն է հավաքել:
