Facebook ընկերությունը հաշվետվություն է ներկայացրել անցած եռամսյակի և ողջ 2016 թվականի ֆինանսական ցուցանիշների վերաբերյալ։
Ընկերության եկամուտը 2016-ի չորրորդ եռամսյակի արդյունքներով կազմել է 8.81 մլրդ դոլար, ինչը 51 տոկոսով ավելի է 2015 թվականի նույն եռամսյակի համեմատ։ Իսկ զուտ շահույթը կազմել է 3.57 մլրդ դոլար, ինչը 128 %-ով ավելի է, քան 2015 թվականի չորրորդ եռամյսակի շահույթը։
2016 թվականի արդյունքներով ընկերության եկամուտը կազմել է 27.64 մլրդ դոլար, իսկ զուտ շահույթը՝ 10.22 մլրդ դոլար։ Այսպիսով՝ 2015-ի համեմատ ընկերության զուտ շահույթը մեծացել է 177%-ով։
Բացի այդ, օգտատերերի միջին թիվը, ովքեր դեկտեմբերին ամեն օր մուտք են գործել սոցցանց, կազմել 1.23 մլրդ։ Նախորդ տարվա համեմատ աճը կազմել է 18%։
