ԱՄՆ-ը դեռևս չունի վերջին իրադարձությունների ապացույցները՝ Սիրիայում քիմիական զենք կիրառելու վերաբերյալ: Այս մասին հայտարարել է ԱՄՆ պետդեպարտամենտի ներկայացուցիչ Ջեն Փսաքին, գրում է Ria Novosti-ն:
«Տվյալ պահին մենք չենք կարող վերջնականապես հաստատել, որ քիմիական զենք է կիրառվել: Սակայն մենք գործի կդնենք բոլոր ռեսուրսները, բոլոր ալիքները՝ հասկանալու համար, թե ինչ է տեղի ունեցել»,- ասել է Փսաքին:
Նրա խոսքով՝ ԱՄՆ-ը համամիտ չէ, որ քիմիական զենք կիրառել է ընդդիմությունը:
«Մենք նախկինի պես կարծում ենք, որ նրանք հնարավորություն չունեն քիմիական զենք օգտագործելու: Իսկ եթե ռեժիմը թաքցնելու բան չունի, ապա ՄԱԿ-ի տեսուչներին պետք է հնարավորույուն տրվի հետաքննության համար»,- հավելել է Փսաքին:
