OurMine խմբավորման ցանցահենները կոտրել են ամերիկյան CNN հեռուստաալիքի Facebook-ի էջը, հաղորդում է Mashable կայքը։
Պարբերականի տվյալներով՝ չարագործները ձեռք են բերել CNN International և CNN Politics պրոֆիլների հասանելիություն։ Ցանցահենները հեռուստաալիքի խմբերում հրապարակել են իրենց տարբերանշանը և թողել են ավանդական հաղորդագրությունը․ «Ողջույն, սա OurMine-ն է։ Մենք ստուգում ենք ձեր պաշտպանությունը, կապ հաստատեք մեզ հետ տեղեկատվություն հաստատելու համար»։
Ենթադրվում է, որ ցանցահենների խմբին անդամակցում են երեք դպրոցականներ՝ Սաուդյան Արաբիայից։ Հարձակումից կես ժամ հետո Facebook-ի վարչակազմը վերականգնել է CNN օգտահաշիվները և ջնջել ցանցահենների հաղորդագրությունը։
