«Առաջին լրատվական»-ի զրուցակիցն է քաղաքական վերլուծաբան Արմեն Բաղդասարյանը:
-Պարոն Բաղդասարյան, Հովիկ Աբրահամյանն այսօր մեզ հետ զրույցում հաստատեց, որ դուրս է գալիս ՀՀԿ-ից, Ձեզ համար անակնկա՞լ էր արդյոք այս որոշումը:
-Բնականաբար նման որոշումները հետաքրքրական են, բայց դեռ դա նախաձեռնություն է, դեռ հայտարարության տեքստ չի եղել, ես ծանոթ չեմ, համենայնդեպս մեր երկիրն ազատ երկիր է, և յուրաքանչյուր ոք ինքն է որոշում իր քաղաքական ճակատագիը և ընդհանրապես իր անձնական խնդիրն է, իսկ ՀՀԿ-ն …ընթանում է առաջ:
-Պարոն Բաղդասարյան, Դուք չե՞ք կարծում, որ սա նախընտրական այս փուլում որոշակի առումով կբարդացնի ձեր պայքարը՝ հաշվի առնելով, որ Հ. Աբրահամյանը մեծ ռեսուրսներ ուներ՝ թե՛ նյութական և թե՛ նաև համակիրների առումով:
-Մի փոքր համաձայն չեմ ձեզ հետ՝ նյութական առումով, համակիրների՝ բնականաբար, երկար տարիներ մեր գործընկերը բավականին լուրջ դերակատարություն է ունեցել և կունենա համակիրներ, բայց քաղաքական …-ն այնպիսին են, որ լինում են ելքեր, մուտքեր, տեղաշարժեր, բնականաբար եթե մեկը դուրս է գալիս, համալրվում է այլ մարդկանցով, որոնք իրենց համակիրների հետ նորից լրացնում են հանրապետականի շարքերը: Եվ ավելի հետաքրքրանում է քաղաքական դաշտը:
-Պարոն բաղդասարյան, հետաքրքանո՞ւմ է, դուք, օրինակ, Հովիկ Աբրահամյանին որպես ընդդիմադիր գործիչ պատկերացնո՞ւմ եք, ընդդիմադիր հանրապետականին:
-Ես իմ կարծիքը բազմաթիվ անգամներ ասել եմ, որ մեկ օրում ընդդիմադիր չեն դառնում, համենայնդեպս պարոն Աբրահամյանն ինքն այդ մասին հայտարարություն կանի, ես խնդրում եմ այդ հարցերով դիմեք իրեն:
–Պարոն Բաղդասարյան, դուք մեր նախորդ զրույցում ասում էիք, որ խորհրդի նիստին նրա չգալը, նրա՝ ընդհանրապես ԳՄ նիստերին ներկա չլինելը մեծ բան չի պարունակում, նա տեղեկացրել է և այլն, բայց, ըստ էության, վարչապետությունից հետո ՀՀԿ-ի և Աբրահամյանի ջրերը մի առվով չէին հոսում:
-Ջուրն իր ճամփան գտնում է: Եվ մենք այդ բոլոր բացակայություններից տեղյակ ենք եղել, պարոն Աբրահամյանի բացակայությունները հարգելի պատճառով են եղել, և դրա համար դուք մի անհանգստացեք, դուք ավելի անհանգիստ եք:
–Իսկ Մհեր Սեդրակյանի որդու հետ կապված, Մհեր Սեդրակյանը ՀՀԿ-ի հետ խնդիր ունի, Գայանե Սողոմոնյանը դադարեցրեց անդամակցությունը… Ի՞նչ է կատարվում, պարոն Բաղդասարյան, ձեր կուսակցության հետ:
-Անձնական վերադասավորումներ են, շատ նորմալ է այս ամեն ինչը, սա քաղաքական գործընթաց է, որը ծանոթ է մեր քաղաքական կյանքին, անակնկալներ չկան, մի՛ անհանգստացեք, ամեն ինչ կկարգավորվի:
-Դուք չե՞ք մտահոգվում, որ այս մարդիկ ովքեր ամեն ընտրությանը շատ ձայն են բերել իշխանությանը՝ ՀՀԿ-ին, այս անգամ չեն բերի:
-Մենք անհանգստանալու ոչինչ չունենք, մենք հետևում ենք գործընթացներին և կարգավորում ենք գործընթացները:
