Կալիֆոռնիայի 89-ամյա բնակչուհի Նորմա Կուկը շատ հմայիչ լավագույն ընկեր ունի՝ 31-ամյա Քրիս Սալվատորեն: Նրանք ծանոթացել են 4 տարի առաջ, երբ երիտասարդը տեղափոխվել է բազմաբնակարան շենք Արևմտյան Հոլիվուդում: Կինը նրան հրավիրել է մեկ գավաթ շամպայն խմելու, այդ ժամանակից ի վեր նրանք գործնականում անբաժան են, հայտնում է People ամսագիրը:
«Ես նրան սիրում եմ, նա իմ լավագույն ընկերն է: Հանուն նրա ես ամեն ինչ կանեմ»,- իրենց ընկերության մասին պատմել է Քրիսը: Նորման մասնագիտությամբ ներքին հարդարանքի դիզայներ է: Նա արդեն 10 տարի լեկեմիայով է տառապում, վերջին տարում նրա առողջական վիճակը կտրուկ վատացել է: Նա ստիպված է եղել 2 ամիս հիվանդանոցում անցկացնել: Դուրս գրվելուց հետո բժիշկները կանխատեսել են, որ Նորմային մի քանի ամիս է մնացել ապրելու և շուրջօրյա խնամքի կարիք ունի: Դերասան և երաժիշտ Քրիսը ստանձնել է Նորմայի շուրջօրյա խնամակալի դերը:
Նա համատեղ արկածներից դրվագներ հրապարակում է սոցցանցերում՝ օգտագործելով #MyNeighborNorma հեշթեգը:
Երբ ապահովագրական ընկերությունը հրաժարվել է վճարել Նորմայի խնամքի ծախսերը, Սալվատորեն օգնության համար դիմել է իր բաժանորդագիրներին: Նոյեմբերին նա ստեղծել է էջ GoFundMe քրաուդֆանդինգային ծառայությունում՝ հիվանդ ընկերուհու համար 40 000 դոլար հավաքելու համար: Նանք գերազանցել են նպատակային գումարը՝ հավաքել են 60 000 դոլար:
Նորման իսկապես նման է աշխարհի լավագույն հարևանուհու: Իսկ Քրիսը՝ երազանքների տղամարդու՝ նա կիթառ է նվագում, նկարահանվում է կատակերգություններում: Բայց նա գեյ է, նաև իր ողջ ժամանակն անց է կացնում հարևանուհու հետ:
