Թագավորական թռչնի մնացորդները հայտնաբերել են պալատական պահակազորի աշխատակիցները Վինձորի ամրոցի մոտակայքում օգոստոսի 21-ին:
Կարապի խորոված մարմինը գրավել է աշխատակիցներից մեկի ուշադրությունը տարածքի ստուգման ընթացքում:
«Ակնհայտ է, որ կենդանուն խորոված են արել: Կրծքամիսը, ազդրերը և մնացած բոլոր՝ ուտելու համար պիտանի մասերը բացակայել են, իսկ կարապից մնացել է միայն սևացած, անմիս կմախքը»,- պատմել է Swan Lifeline կազմակերպության կոորդինատոր Վենդի Հերմոնը, որն զբաղվում է հիվանդ կենդանիների բուժմամբ:
Մասնագետները նշել են, որ կենդանուն եփելիս նույնիսկ չեն մորթել: Ոստիկանությունը այդ հանցագործության հետաքննություն է իրականացնում:
Մի քանի դար շարունակ թագավորական թռչուններին բռնելը կամ սպանելը համարվել է պետական դավաճանություն: 12-րդ դարում հանցագործները ծանր պատիժ են կրել նմանատիպ արարքի համար:
Ներկայումս հանցագործներին սպառնում է 6 ամսվա ազատազրկում և 7 հզ դոլարի տուգանք:
