«Առաջին լրատվական»-ի հարցմանն ի պատասխան ՀՀ Ոստիկանության հասարակայնության և լրատվության վարչության պետ Աշոտ Ահարոնյանը տեղեկացրեց, որ «Փայլակ Հայրապետյանի դիմումի հիման վրա ՀՀ ոստիկանության ԿՀԴՊ գլխավոր վարչությունում նախապատրաստվող նյութերի ընթացքում 27.07.2012 թվականին բացատրություն է վերցվել Աշոտ Սուքիասյանից, որի կողմից էլ ներկայացվել են համապատասխան փաստաթղթեր, որոնք ենթարկվել են ստուգման»:
«Առաջին լրատվական»-ը մեկնաբանություն էր խնդրել մամուլում տեղ գտած այն հրապարակման առթիվ, թե ինչպես և երբ է Հայաստանից հեռացել Աշոտ Սուքիասյանը: «Աշոտ Սուքիասյանը ՀՀ-ից հեռացել է 01.08.2012 թվականին, մինչև քրեական գործ հարուցելը: ՀՀ սահմանադրության 25-րդ հոդվածով սահմանված է ՀՀ քաղաքացու ազատ տեղաշարժվելու իրավունքը: Նյութերի նախապատրաստման ընթացքում ՀՀ քրեական դատավարությամբ նախատեսված չէ որևէ նորմ անձի այդ իրավունքի սահմանափակման վերաբերյալ»,- ասաց Ա.Ահարոնյանը:
