Այսօր ԱԺ ֆինասաբյուջետային հարցերի հանձնաժողովի նախագահ Գագիկ Մինասյանը լրագրողների հետ հանդիպման ժամանակ նշեց, որ դեռ վաղ է խոսել այն մասին՝ եկող խորհրդարանական ընտրություններին ՀՀԿ-ը միայնա՞կ կգնա, թե՞ դաշինքով։ «Սա յուրաքանչյուր կուսակցության որոշելիք հարցն է, իսկ մինչև ընտրություններ դեռ բավականին ժամանակ կա»,- ասաց Գ. Մինասյանը՝ կանխատեսելով «թեժ գարուն»։
«Բոլոր երկրներում խորհրդարանական ընտրությունների տարին իսկապես թեժ քաղաքական ժամանակ է լինում»,- ասաց Գ. Մինասյանը։ Նրա խոսքով՝ արտահերթ ընտրությունների մասին չարժե խոսել։
«Ես ունեմ այն տեսակետը, որ նույնիսկ բոլոր այն քաղաքական գործիչները, որոնք արտահերթի մասին խուսում էին, իրենց հոգու խորքում երբեք չեն հավատացել արտահերթ խորհրդարանական ընտրությունների իրականացման հնարավորությանը։ Որովհետև դրա որևէ օբյեկտիվ նախապայման չկա»,- ասաց Գ. Մինասյանը։