Այսօր Բրյուսելում տեղի կունենա Եգիպտոսի հարցով ԵՄ արտգործնախարարների արտակարգ հանդիպումը, որի ժամանակ մասնակիցները կհամաձայնեցնեն միասնական դիրքորոշում այդ երկրում տիրող իրավիճակի վերաբերյալ՝ հայտնում է ITAR-TASS-ը:
Սպասվում է, որ բանակցությունները բարդ կլինեն, քանի որ ԵՄ պետությունները համակարծիք են միայն այդ երկրում բռնության դադարեցմանը նպաստելու հարցում, սակայն պատճառների ու հնարավոր գործողությունների ծրագրերի գնահատականներում նրանց միջև սուր տարաձայնություններ կան:
Խոսքը մասնավորապես 2012-2014 թթ. Եգիպտոսին տրամադրվելիք օգության եվրոպական ծրագրերի վերանայման մասին է: Այդ ծրագրերի ընդհանուր գումարը 5 մլրդ եվրո է: Ֆրանսիան Դանիայի ակտիվ աջակցությամբ առաջարկում է սառեցնել այդ ծրագրերը, քանի դեռ Եգիպտոսի ժամանակավոր կառավարությունը չի վերադարձել ժողովրդավարության ուղի ու սկսել նոր ընտրությունների նախապատրաստությունը:
ԵՄ մի շարք երկրներ դեմ են հանդես գալիս օգնության ծրագրերի կրճատմանը կամ սառեցմանը՝ ասելով, որ դա կհարվածի բնակչության աղքատ շերտերին և կթուլացնի քաղաքացիական հասարակության կառույցները:
Գերմանիան, իր հերթին, առաջարկում է Եգիպտոսին մատակարարվող զենքի էմբարգո ներմուծել: Երկիրն արդեն միակողմանիորեն դիմել է նման գործողության:
