Независимая газета-ի գլխավոր խմբագիր Կոնստանտին Ռեմչուկովն անդրադարձ է կատարել ադրբեջանական իշխանությունների կողմից Эхо Москвы ռադիոկայանի գլխավոր խմբագրի տեղակալ Սերգեյ Բունտմանին «սև ցուցակում» ներառելուն, ինչի պատճառն այն է, որ նա այցելել էր Ստեփանակերտ և հարցազրույց ունեցել Լեռնային Ղարաբաղի Հանրապետության (ԼՂՀ) նախագահ Բակո Սահակյանի հետ.
«Քանի որ Լեռնային Ղարաբաղը համարվում է վիճելի տարածք, լրագրողների աշխատանքը բարդանում է: Նրանք չգիտեն, թե նմանատիպ հարցերով ում պետք է դիմեն. Հայաստանի՞ ԱԳՆ-ին, թե՞ Ադրբեջանի ԱԳՆ-ին, թե՞ անգամ Ռուսաստանի ԱԳՆ-ին: Բունտմանը բարեխիղճ լրագրողի 20-ամյա հեղինակություն ունի:
Կարծում եմ, որ ադրբեջանական իշխանություններն իրենց պահում են մանկան նման նեղացկոտ: Նրանք տեղյակ են, որ ռադիկայանն ազատական, ժողովրդավարական ու անկողմնակալ է: Դրա համար էլ ես իմ համերաշխությունն եմ հայտնում Эхо Москвы ռադիոկայանին:
Ադրբեջանական իշխանությունների նմանատիպ հայտարարությունները ոչ միայն վարկաբեկում են երկիրը, այլև հանգեցնում են այն մտքի, որ այդ երկրում ամեն ինչ չէ կարգին: Որովհետև սովորաբար իշխանությունները նյարդայնանում են, երբ անկախ լրագրողները ներթափանցում են այնտեղ, ուր ինչ-որ բան է թաքցված»: