Microsoft կորպորացիան միավորել է իր երկու խոշոր հաղորդակցական ծառայությունները՝ Skype-ն ու Outlook-ը: Այս մասին հայտնում է CNET-ը:
Տեխնոլոգիական հսկան հայտարարել է, որ Skype-ն այժմ հասանելի է ԱՄՆ-ում, Մեծ Բրիտանիայում, Գերմանիայում, Ֆրանսիայում, Կանադայում և Բրազիլիայում Outlook-ի բոլոր հաճախորդներին: Դա նշանակում է, որ Outlook-ի օգտատերերը կարող են զանգահարել և ակնթարթային հաղորդագրություններ փոխանակել անմիջապես փոստային ծառայությունից:
«Էլեկտրոնային փոստը մարդկանց մեծ մասի համար շփման կարևոր գործիք է, սակայն լինում են պահեր, երբ նրանք ցանկանում են դեմառդեմ շփում սկսել»,- նորարարությունը մեկնաբանել է ընկերության թոփ մենեջերներից մեկը՝ Դոն Մարտինյուկը:
Համաձայն վերջերս անցկացված սոցհարցման՝ մարդկանց 76 տոկոսը նամակագրությունից հետո սկսում է հեռախոսով կամ տեսակապով շփվել»,- ասել է նա՝ նշելով, որ նոր ծառայությունը տրամադրում է նման հնարավորություն:
