Շուրջ 10 հազար արտասահմանցի քաղաքացիներ, այդ թվում 150 բրիտանացիներ, կռվում են Սիրիայում գրոհայինների կողմից՝ ընդդեմ կառավարական ուժերի: Այս մասին հաղորդում է Times-ը՝ վկայակոչելով ԱՄՆ-ի հետախուզության իր աղբյուրը:
«Արտասահմանցի գրոհայինների թվում են մի քանի հարյուր եվրոպացիներ, հիմնականում՝ սունիներ, որոնք ժամանել են Սիրիա՝ կռվելու համար»,- նշում է թերթը և հավելում , որ շուրջ 150 բրիտանացի անդամակցում են, այսպես կոչված, «եվրոպական զորախմբին»:
Թերթը նշում է, որ Սիրիայի տարածքում Բաշար Ալ-Ասադի դեմ գործում են նաև գրոհայիններ Իրաքից և Չեչնիայից:
Times-ի տվյալներով՝ «Ալ-Նուսրա ճակատ»-ը Սիրիայում ներկայացնում է գրոհայինների հիմնական խմբավորումը, որոնք կապված են «Ալ-Կաիդա»-ի հետ: Խմբավորումը հիմնականում բաղկացած է սիրիացիներից: Պարբերականի փոխանցմամբ՝ երկրում գործում է նաև «Ջեյշ Ալ-Մուջարին վալ-Անսար» խմբավորումը, որը հիմնականում կազմված է արտասահմանցիներից: Այն գլխավորում է Աբու Ումարը՝ ծնունդով Չեչնիայից:
Սիրիայի ընդդիմության ներկայացուցիները և դիվանագիտական աղբյուրներն իրենց հերթին նշում են, որ վերջին երկու կամ երեք ամիսներին մեծացել է արտասահմանցի վարձկանների հոսքը Սիրիա: Բացի այդ, նկատվում է նաև շիա գրոհայինների թվի աճ, որոնք Սիրիա են ժամանում Իրաքից և Լիբանանից և կռվում են սիրիական իշխանությունների կողմից:
