Դերասանուհի Լինդսի Լոհանը համաձայնել է խոսել իր խնդիրների մասին Օփրա Ուինֆրիի հետ: Լոհանը խոստովանել է, որ տառապում է ալկոհոլային կախվածությամբ.
«Ես կախվածություն ունեմ: Նախորդ ամիս ալկոհոլի հետ միասին նաև կոկաին էի օգտագործում, սակայն դրա հաջորդ օրը ես միշտ ինձ վատ էի զգում: Այդ պատճառով էլ ես հիմնականում խմում էի: Դա տեղի էր ունենում երեկույթների ժամանակ. բոլորը խմում էին, ես՝ ևս:
Ես նախընտրում եմ ալկոհոլը: Ինձ համար դա իրականությունից թաքնվելու միջոց է: Կոկաին ես 10 կամ 15 անգամ եմ օգտագործել: Ինձ թվում է՝ դրա շնորհիվ ես ավելի շատ էի կարողանում խմել»:
Լինդսին, ասյպես ասած, ոչ այնքան օրինակելի իր վարքագիծը բացատրել է նրանով, որ նման կերպ ինքը ենթագիտակցորեն օգնություն էր խնդրում:
Լինդսին ասել է, որ հասկանում է, որ իր խնդիրների հիմնական պատճառները գալիս են ընտանիքից:
«Երբ ես երեխա էի, իմ ընտանիքում շատ բաներ էին տեղի ունենում, ես ապրում էի մշտական քաոսում: Շատերն են նման բանի միջով անցնում, սակայն ես, դժբախտաբար, բավականին երկար ժամանակ հրաժարվում էի դա խոստովանել»:
Ինչ վերաբերում է իր ծրագրերին, դերասանուհին ասել է. «Ես պատրաստ եմ վերադառնալ այն բանին, ինչը ինձ և իմ կյանքը երջանիկ էր դարձնում՝ աշխատանքիս: Ցանկանում եմ տքնաջան աշխատել, կենտրոնանալ կարիերայիս վրա և ապացուցել, որ ես ևս արժանիքներ ունեմ: Ես պետք է կրկին նվաճեմ մարդկանց վստահությունը»:
Այս մասին հաղորդում է E!Online-ը:
