Ադրբեջանական APA լրատվական գործակալության փոխանցմամբ, Թուրքիայի արտգործնախարար Ահմեդ Դավութօղլուն TRT հեռուստաալիքով հեռարձակվող Açı («Անկյուն») հաղորդման ժամանակ զրուցել է քաղաքագետների հետ՝ ընդգծելով Ադրբեջանի բարգավաճումը:
Դավութօղլուն ասել է, որ ամեն անգամ Բաքու այցելելիս հիանում է, թե որքան է գեղեցկանում քաղաքը: Նշելով, որ ադրբեջանական իշխանությունները տնտեսական զարգացումից ստացված եկամուտների մի մասն ուղղում են Բաքվի բարեկեցությանը՝ Դավութօղլուն հայտարարել է, որ, Բաքվի համեմատ, Երևանը հետամնաց գյուղ է «հիշեցնում»:
Ի դեպ, նշենք, որ Դավութօղլուն չի այցելել Երևան, և նրա այս հայտարարությունը, թերևս, պայմանավորված է Երևան այցելելու ցանկությամբ: Պետք է հիշել, որ երբ ԵԽԽՎ գարնանային նստաշրջանի ժամանակ հայկական ծագում ունեցող ֆրանսիացի պատգամավորը էրդողանին հարցրեց, թե Թուրքիան ինչպե՞ս է երաշխավորում կրոնական փոքրամասնությունների իրավունքները, էրդողանը նրան հրավիրեց այցելել Թուրքիա և տեղում ստանալ այդ հարցի պատասխանը:
