Օգոստոսի 17-ին լրանում է ամերիկացի դերասան, «Օսկարի» մրցանակակիր Շոն Պենի 53 ամյակը: Շոնը և Մադոննան Հոլիվուդի ամենասկանդալային զույգերից մեկն էին: Հիշենք ամուսնության ընթացքում Շոն Պենի 5 ամենասկանդալային արարքները:
1.Հենց սկզբից էլ Շոնի և Մադոննայի հարաբերություններն աղմկահարույց էին: 1985 թ. նրանց հարսանիքի ժամանակ ուղղաթիռներով պապարացիներ էին հայտնվել, և Շոնը, տեսնելով նրանց, տանից դուրս էր բերել հրազենը և սկսել կրակել ուղղաթիռների վրա: Իսկ ավելի ուշ հայտարարել էր, որ ուրախ կլիներ, եթե լրագրողներով ուղղաթիռներից մեկը գոնե պայթեր:
2. 1985 թ. հունիսին Մադոննան մերկ էր նկարահանվել, որը կատաղեցրել էր նրա ամուսնուն: Շոնը հյուրանոցի իրենց համարից բարկացած դուրս էր վազել, և այդ ժամանակ նրան մի լուսանկարիչ էր նկարել: Շոնը վերցրել էր արհեստական քարը և նետել դեպի լուսանկարիչը, իսկ ֆոտոխցիկը ջարդել էր նրան մեջքի վրա: Դրանից հետո Շոնը սկսել էր ոտքերով հարվածել խեղճին, իսկ երբ նրան փորձել էր փրկել անծանոթ մի տղամարդ, Շոնը հարվածել էր նաև վերջինիս աչքին:
3. 1987 թ. հունիսին Շոն Պենը փորձաշրջան էր անցնում ազատազրկվելուց հետո: Որոշ ժամանակ անց հիվանդանոց էր դիմել Մադոննան, ում ամուսինը ծեծել էր բեյսբոլի փայտով: Սակայն լուրջ վնասվածքներ ունեցող Մադոննան բուժում ստանալուց հետո չէր բողոքել Շոնի դեմ:
4.1986 թ. զույգը միասին նկարահավել էր «Շանհայի անակնկալը» ֆիլմում: Դեռ նկարահանումներից առաջ Շոնը սցենարիստների հետ քննարկել էր Մադոննայի մասնակցությամբ բոլոր կադրերը՝ արգելելով նրան տեսախցիկների առջև երևալ չափազանց բաց շորերով: Նկարահանման հրապարակում Շոնն ակտիվորեն ջարդում էր տեսախցիկները, երբ նկատում էր, որ Մադոննային հարմար անկյունից չեն նկարում: Արդյունքում նա կրկին բանտում էր հայտնվել:
5. Ամուսնալուծությունից առաջ՝ 1989 թ. Շոնը Մադոննային ևս մեկ անգամ հիշեցրել էր իր բնավորության մասին: Նա վնասել էր Մադոննայի դեմքը, որի պատճառով երգչուհին ոստիկանություն էր դիմել, որն էլ պարզել էր, որ մի քանի ժամ շարունակ Շոնն էլեկտրական լարով կապած էր պահել երգչուհուն, ծեծել էր նրան, պոկել գլխի մազերը, այնուհետև բռնաբարել և կապած թողնելով դուրս գնացել տանից: Սակայն մի քանի ժամ անց նա վերադարձել և կրկին ծեծել էր Մադոննային:
