Մեծ Բրիտանիայի վստահության ծառայությունները ստիպողաբար ամուսնությունների մասին հաղորդագրությունների ֆոնին անսովոր խորհրդով են հանդես եկել: Կառավարական հաշվետվության համաձայն` անցած տարվա ընթացքում ոստիկանությունը ստացել է ավելի քան 1500 դիմում կանանցից, որոնց առևանգել են արտասահմանում ամուսնացնելու նպատակով: Ինչպես հաղորդում է The Guardian-ը, ոստիկանությունը ստացել է ավելի քան 500 զանգ 16 տարեկանից փոքր աղջիկների համար:
Աղջիկներին խորհուրդ են տվել գդալ դնել ներքնազգեստի մեջ: Երբ աղջիկներն օդանավակայանում անցնեն մետաղադետեկտորի շրջանակի միջով, սարքը կաշխատի, նրանց կուղեկցեն ստուգման սենյակ, որտեղ նրանք անվտանգության աշխատակիցներին կկարողանան պատմել իրենց առևանգման մասին` ասել է ծառայության օպերատոր Նատաշա Ռատուն և հավելել, որ այս կերպ հնարավոր է եղել հարկադիր ամուսնությունից փրկել մի քանի աղջիկների:
Նրա խոսքերով` ամառն ամենավտանգավոր շրջանն է, քանի որ սովորողների մոտ արձակուրդներ են և օրվա մեծ մասն անցկացնում են տանից դուրս, որտեղ էլ հաճախ հայտնվում են առևանգիչների թիրախում:
