Անցնող տարին խնդրահարույց էր հիմնականում երկու ոլորտներում՝ ավտանգության և ժողովրդավարության: Այս մասին «Առաջին լրատվական»- ի հետ զրույցում ասաց «Իրազեկ քաղաքացիների միավորում» ՀԿ ծրագրերի համակարգող Դանիել Իոաննիսյանը:
«Մենք տեսնում ենք, թե ինչպես է տեղի ունենում կոնֆլիկտի էսկալացիան, տարեցտարի 70-80 տոկոսով աճում է հրադադարի խախտման հետևանքով զոհերի թիվը, հրադադարի խախտման որակական փոփոխություն է տեղի ունենում… և այս միտումների կուլմինացիան ապրիլյան պատերազմն էր, սակայն, ցավոք, այդ տենդենցիան անկում չի ապրել, և այժմ էլ Տավուշի մարզում բախում տեղի ունեցավ»,- նշեց Դ. Իոաննիսյանը:
Ինչ վերաբերում է արտաքին քաղաքականությանը, Իոաննիսյանը նշեց, որ հիմնականում պետք է արձանագրել ռազմական դաշինքի հետ կապված խնդիրները, նրա խոսքով՝ 2016-ը ցույց տվեց, որ ՀԱՊԿ-ը գոյություն չունի, որ այդ կառույցն առ ոչինչ է, ՀԱՊԿ անդամ որոշ պետություններ թշնամական վերաբերմունք են ցուցաբերում:
«2016-ն աչքի ընկավ նաև ժողովրդավարության հետ կապված խնդիրներով. 2016-ին խաղաղ հավաքներից բերման է ենթարկվել 900 քաղաքացի, խաղաղ ցուցարարների մի մասը մինչ այժմ անազատության մեջ է: 100-ից ավելի քաղաքացիներ ոստիկանական գործողությունների հետևանքով հայտնվեցին հիվանդանոցներում, սա իշխանությունների հակաժողովրդավարական գործողությունների աննախադեպ աճ է»,- նշեց Դ. Իոաննիսյանը:
Մանրամասները՝ տեսանյութում: