«Եգիպտոսում խաղաղ ցուցարարների սպանությունն անընդունելի է, և դրան հարկավոր է վերջ տալ»,- ասել է Թուրքիայի նախագահ Աբդուլլահ Գյուլը՝ հաղորդում է Anadolu գործակալությունը:
Նրա խոսքերով՝ Անկարան կանխատեսել էր դեպքերի նման զարգացումը և շատ բան է արել կանխարգելման համար, սակայն Եգիպտոսի կառավարությանն ուղղված բոլոր կոչերն անօգուտ են եղել:
«Եթե Եգիպտոսում ցույցի ցրումը շարունակվի այս տեմպերով, ապա երկիրը չի խուսափի քաոսից»,- ասել է Գյուլը:
Չորեքշաբթի առավոտյան Եգիպտոսի բանակը սկսել էր ցուցարարների ցրումը: Հաղորդվում է 300 զոհերի և ավելի քան 1000 վիրավորների մասին:
